આદમખોરનું રહસ્ય પ્રકરણ ૧૬: ઈવાની કસોટીઆકાશમાંથી વરસી રહેલા મૂસળધાર વરસાદે કાલિંદી નદીના રૌદ્ર સ્વરૂપને જગાડી દીધું હતું. ગીરની પહાડીઓ પરથી ધસમસતા આવેલા પાણીના લીધે કાલિંદી નદીમાં ભયાનક પૂર આવ્યું હતું. નદીના લાલચોળ, ગંદેલા અને ઘસમસતા પાણી કિનારાના વિરાટ વડલા, સાગ અને વાંસના ઝાડ-પાનને મૂળમાંથી ઉખાડીને પોતાની સાથે વહાવી રહ્યા હતા. પૂરના પાણીનો કાન ફાડી નાખે તેવો ઘૂઘવાટ અને વાવાઝોડાનો સુસવાટો આખી સીમડીમાં મહાવિનાશનું સંગીત વગાડી રહ્યા હતા. કાદવ-કચરાથી ભરેલી ધરા પર જંગલનું અસ્તિત્વ તણાઈ રહ્યું હતું.એ રૌદ્ર પૂરના કિનારે, કાદવમાં પછડાયેલા અર્જુનસિંહની છાતી પર આદમખોર 'ટારઝન' ચડી બેઠો હતો. અર્જુનસિંહ પોતાના બંને હાથ વડે સિંહના ગળાની ચામડી ભીંસીને તેની ગરદનને અટકાવી