સમયનું આયોજન   ટ્રેનની એક મિનિટ બચાવવા સાયકલ ખભા પર ઊંચકનાર માણસે, એ જ બચાવેલો સમય JCBને ખાડો ખોદતો જોવામાં ગુમાવી દીધો આ વાર્તા માત્ર એક ઘટના નથી—એ આપણી સામૂહિક વ્યસ્તતાનો અરીસો છે. આપણે સમય બચાવવા માટે જીવન જોખમમાં મૂકીએ છીએ, પરંતુ બચાવેલો સમય નકામી વસ્તુઓ જોવામાં વહી જાય છે. પ્રશ્ન એ છે કે બચાવેલો સમય આપણે જીવન ઘડવામાં વાપર્યો કે નિરર્થક તમાશો જોવામાં વેડફી નાખ્યો.  પ્રાચીન સંસ્કૃતિના ગર્ભમાંથી પ્રગટેલો અને વિશ્વને જ્ઞાનનો સૂર્યોદય ભેટ ધરનારો ભારત દેશ, આજે વિરોધાભાસોની વિચિત્ર ક્ષિતિજ પર ઊભો છે. એક દિવસ એક વિદેશી પર્યટક ભારતની અજાયબીઓ અને તેની જીવનશૈલીને નિહાળવા એક મહાનગરમાં આવી પહોંચ્યો.