షాపింగ్ మాల్‌లోని ఆ విలాసవంతమైన కౌంటర్ వద్ద నిలబడిన అంజు కళ్ళు ఒక్కసారిగా బైర్లు కమ్మాయి. బిల్లు స్క్రీన్ మీద మెరుస్తున్న అంకెను చూడగానే ఆమె గుండె లయ తప్పినట్లయింది. మనసులోని ఆశ్చర్యాన్ని, ఆనందాన్ని అదుపు చేసుకోలేక, ఆ విశాలమైన హాల్ దద్దరిల్లేలా బిగ్గరగా కేక వేసింది."వామ్మో! పది లక్షలా!!"ఆ కేకతో చుట్టుపక్కల బట్టలు చూస్తున్న కస్టమర్లు, కౌంటర్ వెనుక ఉన్న సేల్స్ బాయ్స్ అంతా నిశ్చేష్టులై అంజు వైపు, రుద్ర వైపు తలతిప్పి చూశారు. రుద్ర ముఖం ఒక్కసారిగా జేవురించింది. చుట్టూ ఉన్నవాళ్ల చూపులకు బిత్తరపోయి, గబగబా ఆమె నోరు మూయడానికి చేతులు చాచాడు. కానీ అంజు అప్పటికే ఆనందపు ఉధృతిలో మునిగిపోయింది. సిగ్గు, భయం అన్నీ గాల్లో కలిసిపోగా, ఆ జనాల ముందే రుద్రను గట్టిగా కౌగిలించుకుని అతని చెంపలపై ముద్దుల వర్షం కురిపించసాగింది."ఒరేయ్! ఇంత డబ్బు పెట్టుకుని ముందే చెప్పొచ్చు కదరా! ఇంతసేపు ఆలోచిస్తూ టైమ్ వేస్ట్