દરિયા કિનારાના એ શાંત કાફેમાં મનોજ અને જાનવી સામસામે બેઠા હતા. હવાદાર વાતાવરણમાં દરિયાના મોજાંનો અવાજ આવી રહ્યો હતો, પણ બંનેના દિલની ધડકનો એ અવાજ કરતાંય વધુ ઝડપી ચાલી રહી હતી. મનોજે અત્યંત ગંભીર અને ભીની આંખોથી જાનવી સામે જોયું અને પોતાના ભૂતકાળના એક પછી એક રહસ્યો ખોલવાનું શરૂ કર્યું.
મનોજે ધ્રૂજતા અવાજે કહ્યું, "જાનવી... તને કદાચ વિશ્વાસ નહીં આવે, પણ હું આજે જે તમારી સામે બેઠો છું, એ આ જન્મનો મનોજ નથી. હું તો તે ભયાનક દુર્ઘટના અને એ કાળી રાત પછી મરી ગયો હતો... આ મારો બીજો જન્મ છે—મારું 'રીબોર્ન' થયું છે!"
મનોજની આ વાત સાંભળીને જાનવીના હાથમાં રહેલો કોફીનો કપ ધ્રૂજી ઉઠ્યો. તેની આંખો ફાટી ગઈ. તે આશ્ચર્ય અને અવિશ્વાસથી મનોજ સામે તાકી રહી. તેને લાગ્યું કે મનોજ કોઈ મજાક કરી રહ્યો છે કે પછી તાવ કે સદમાના કારણે આવી વાતો કરી રહ્યો છે.
પરંતુ, મનોજે જ્યારે તેના પાછલા જન્મની એક-એક અસલી વિગતો, તેના પરિવારની વાતો, તે અકસ્માતની તારીખ અને જાનવી સાથે જોડાયેલી નાનામાં નાની વાતો પળેપળ બહાર કાઢીને મૂકી, ત્યારે જાનવીના પગ નીચેથી જમીન સરકી ગઈ! મનોજે આગળ કહ્યું, "મને આજના દિવસની અને એ દરેક પળની એક-એક વાત યાદ છે, જ્યારે આપણે મુસીબતમાં મૂકાયા હતા. હું આ નવા જન્મમાં માત્ર એટલા માટે પાછો આવ્યો છું, જેથી તારી અને મારી વ્હાલી બહેનની જિંદગી બચાવી શકું!"
મનોજના મોંમાંથી પોતાના ભૂતકાળના એ જ અસંગત અને ગુપ્ત સત્યો સાંભળીને જાનવી સ્તબ્ધ થઈ ગઈ. તેના શરીર પર રૂંવાડા ઊભા થઈ ગયા. તેને સમજાઈ ગયું કે આ વાતો માત્ર કોઈ અંદાજો કે અફવા નથી હોઈ શકાતી; આ તો એ જ વ્યક્તિ જાણી શકે જેણે એ નરક જેવો સમય પોતે જીવ્યો હોય!
જાનવીની આંખોમાંથી દડદડ આંસુ સરી પડ્યા. તેણે ધ્રૂજતા હોઠે મનોજનો હાથ પકડી લીધો અને ગગડેલા અવાજે કહ્યું, "મનોજ... તું... તું સાચું કહી રહ્યો છે? તું જે કહે છે એ એકદમ અક્ષરસઃ સાચું છે, કારણ કે..." જાનવી થોડી અટકી, લાંબો શ્વાસ લીધો અને પોતાની જાતને સંભાળતા બોલી, "...કારણ કે માત્ર તારું જ નહીં, મનોજ... મારું પણ 'રીબોર્ન' થયું છે!"
આ સાંભળીને આખી દુનિયા જાણે ક્ષણભર માટે થંભી ગઈ. મનોજ આશ્ચર્યથી સ્તબ્ધ થઈને જાનવી સામે જોઈ રહ્યો. જાનવીએ પોતાની ભીની આંખો ઊંચી કરીને ભૂતકાળના એ કાળા પડદા ખોલ્યા અને ધ્રૂજતા અવાજે પોતાની આપવીતી કહેવા લાગી, "હા મનોજ... મને પણ પેલી કાળી રાત, એ જાગરણ, એ લગ્નની તારીખ અને એ ત્રાસ બધું જ બરાબર યાદ છે. જ્યારે હું પેલી હોસ્પિટલની પથારી પર હતી અને જ્યારે મેં એ ભયાનક અંત જોયો હતો, ત્યારે મારા પ્રાણ છૂટી ગયા હતા... મનોજ, હું પણ તારી જેમ જ એ જ દર્દ, એ જ સંઘર્ષ અને એ જ અધૂરી કથા લઈને આ ધરતી પર પાછી આવી છું!"
બંને એકબીજા સામે જોઈ રહ્યા. આશ્ચર્ય અને આંસુઓ વચ્ચે બંનેને અહેસાસ થયો કે કુદરતે તેમને ફરીથી એક જ મંચ પર આમને-સામને લાડીને ઊભા કર્યા છે. જાનવીએ મક્કમતાથી કહ્યું, "આપણે ગત જન્મમાં ભલે બચી નહોતા શક્યા... પણ આ નવા જન્મમાં આપણે આપણા ભાગ્યની રેખાઓ જાતે લખીશું!"
બીજી તરફ, જાનવીનો પીછો કરતો કરતો જતીન પણ તે જ કાફે પાસે પહોંચી જાય છે. તે મનોજ અને જાનવીને સાથે હસતા-બોલતા જોઈ જાય છે, જેના કારણે તેના દિલમાં અસહ્ય ઈર્ષા અને ગુસ્સો ભરાઈ જાય છે. ગુસ્સામાં પાગલ થઈને તે પોતાના ભાડૂતી ગુંડાઓ દ્વારા અચાનક મનોજ પર જીવલેણ હુમલો કરાવે છે. ગુંડાઓ હુમલો કરીને મનોજના ખભા પર છરીનો ઘા ઝીંકી દે છે અને મનોજ લોહીલુહાણ થઈને જમીન પર ફસડાઈ પડે છે.
આ બધું જ અચાનક બનવાથી જાનવી એક ક્ષણ માટે ધ્રૂજી જાય છે, પણ તે હિંમત હારતી નથી. આ એ જ કાફે હોય છે જેના માલિક (કાકા) જાનવીના અગાઉથી જ ખૂબ જ ઓળખીતા અને માયાળુ સ્વભાવના હોય છે. જાનવીને મુસીબતમાં જોઈને કેફેના એ કાકા અને તેમના માણસો લાકડીઓ તથા જે હાથમાં આવ્યું તે લઈને તાત્કાલિક મદદે દોડી આવે છે! કાકા અને તેમના માણસોને દોડતા આવતા જોઈને તેમજ જાનવીએ સમયસૂચકતા વાપરીને તરત જ પોલીસને ફોન કરી દીધો હોવાથી, ગુંડાઓ ગભરાઈ જાય છે. કાકા અને તેમના માણસોનો પ્રતિકાર જોઈને ભાડૂતી ગુંડાઓ મનોજને ત્યાં જ લોહીલુહાણ હાલતમાં છોડીને ભાગી છૂટે છે.
ગુંડાઓ ભાગ્યાની થોડી જ ક્ષણોમાં પોલીસ પણ સાયરન વગાડતી ઘટનાસ્થળે આવી પહોંચે છે. મનોજનું ઘણું બધું લોહી વહી ગયું હોવાથી જાનવી, કાકાની મદદથી તાત્કાલિક તેને હોસ્પિટલમાં દાખલ કરે છે, જ્યાં સમયસર સારવાર મળવાથી તેનો જીવ બચી જાય છે.
હોસ્પિટલમાં પોલીસ પૂછપરછ કરવા આવે ત્યારે જાનવી હિંમતપૂર્વક બધી હકીકત કહી દે છે અને આ હુમલો જતીને જ કરાવ્યો હોવાનું જણાવીને તેને પકડવા માટે કહે છે. સાક્ષી તરીકે તે પોતાની જાતને અને કેફેના કાકાને રજૂ કરે છે, તેમજ કેફેના સીસીટીવી ફૂટેજ ચેક કરવા માટે પોલીસને વિનંતી કરે છે.
આ તરફ, મનોજનો જીવ ભલે બચી ગયો હોય, પણ અકસ્માત અને હોનારતની તારીખ હજુ ટળી ન હોવાથી મનોજ, જાનવી ખૂબ જ ચિંતામાં હોય છે. સૌથી મોટી મુશ્કેલી એ હોય છે કે વંશિકાના પ્રાણ પર ખતરો છે, પણ આ વાતની ખુદ વંશિકાને જરાય ખબર હોતી નથી! વંશિકાનો સ્વભાવ એવો છે કે તે હંમેશાં બીજાને ઓર્ડર દેવાવાળી અને પોતાના દબદબામાં રહેવાવાળી છે; તેને કોઈ પોતાના આસપાસ સતત આંટાફેરા માર્યા કરે એ જરાય ગમતું નથી.
જાનવી તેની બહેનપણી ની વિગતવાર બધી વાત કરે છે અને તેની બહેનપણી આશ્ચર્ય સાથે આ બધું માન્યમાં આવતું નથી પણ તેને જાન્યુઆરી પર વિશ્વાસ હોય છે તે કોઈ દી ખોટું બોલે નહીં તેનું જાનવીની આ બધી વાત સાંભળીને તેની આંખોમાં પણ આંસુ આવી જાય છે તે જાનવી ન ભેટી પડે છે અને રોવા લાગે છે થોડીવાર પછી તે શાંત થઈ જાય છે અને પછી તે વિચાર કરે છે કે આ બીજું જીવન મળ્યું છે જાનવીને
હવે આ બીજું જીવન મળ્યું છે તેને હું નહીં ખોવા દઉં. મારી બેનપણીને હું બચાવીશ અને તેને સુરક્ષિત રાખવાની કોશિશ કરીશ તે જાણવી ન મદદ કરવાનું કહે છે અને તેના પ્લાનમાં તેનો સાથ દેવાનું કહે છે
પછી ત્રણેય જણા મળી અને તેની બહેન વંશીકાને મનાવવાની કોશિશ કરે છે મનોજ તેની બહેન વંશીકાને કહે છે પરંતુ વંશીકા માનતી નથી તે કહે છે મને કંઈ નહીં થાય પણ આ વખતે મનોજ તેને ખૂબ જ પ્રેમથી અને હઠ પકડીને સમજાવે છે, "દીદી, પ્લસ પોઈન્ટ એ છે કે જાનવી હવે બે દિવસ તમારી સાથે જ રહેશે અને તમારી આસપાસ જ રહેશે!" શરૂઆતમાં વંશિકા થોડી અચકાય છે, પણ ભાઈની ચિંતા જોઈને અને જાનવીને પણ નજીકથી પારખવાની ઈચ્છા હોવાથી તે આ વાત સ્વીકારી લે છે. જાનવી પણ વંશિકાની સાથે જ રહેવાનું નક્કી કરે છે, જેથી છુપી રીતે વંશિકાની સુરક્ષા પણ થાય અને કોઈ અઘટિત ઘટના ન ઘટે.
હોસ્પિટલમાંથી રજા મળ્યા પછી મનોજને ઘરે શિફ્ટ કરવામાં આવે છે. જાનવી મનોજની સાથે તેને ઘેર મૂકવા જાય છે. મનોજને તેના બેડરૂમમાં આરામથી સુવડાવ્યા પછી જાનવી તેની બાજુમાં ખુરશી પર બેસીને ગંભીર ચર્ચા કરે છે.
મનોજ ચિંતાતુર અવાજે કહે છે, "જતીન હવે પાણી વહી ગયું છે ત્યાં સુધી પહોંચી ગયો છે, તે ખૂબ જ સક્રિય થઈ ગયો છે. આપણે તેની સામે કોઈ પાક્કો પ્લાન બનાવવો જ પડશે."
જાનવી તરત જ સહમત થતા કહે છે, "મને ખબર છે... અને ખાસ કરીને કાલનો દિવસ આપણા માટે સૌથી મોટો અગ્નિપરીક્ષાનો દિવસ છે. કાલની તારીખે જ મારા લગ્ન થયા હતા અને એ ભૂતકાળનો દિવસ મારા માટે ભારે છે, એટલે મારે કાલે પળેપળ સાવચેત રહેવું પડશે."
આ તરફ, જતીન પોલીસથી સંતાતો અને ભાગતો ફરે છે. તેના મનમાં મનોજ અને જાનવી પ્રત્યે આતંક અને બદલાની આગ ભરેલી હોય છે. તે પાગલની જેમ વિચારે છે કે આ બંનેએ મારું જીવન બરબાદ કરી નાખ્યું છે, એટલે હું તેમને સુખેથી નહીં જીવવા દઉં. તે જાનવી અને મનોજને હંમેશાં માટે ખતમ કરી નાખવાનો ખતરનાક પ્લાન ઘડે છે.
ઘરે બેઠા-બેઠા મનોજ અને જાનવી આ ખતરાને કાયમ માટે જડમૂળથી નાબૂદ કરવા માટે એક માસ્ટર ટ્રેપ (પ્લાન) બનાવવાનું વિચારે છે. આ ગંભીર ચર્ચામાં તેઓ અત્યંત હોશિયાર અને તેજ બુદ્ધિવાળી વંશિકાને પણ સામેલ કરે છે. શરૂઆતમાં વંશિકા થોડી ચોંકી જાય છે, પણ પછી તે આખો પ્લાન સાંભળીને સાથ દેવા માટે રાજી થઈ જાય છે. તે ઉત્સાહથી કહે છે, "ઠીક છે! એક પ્લાન તમે બંને બનાવો, અને એક પ્લાન હું બનાવું છું. પછી જોઈએ કોનો પ્લાન સૌથી ધારદાર સાબિત થાય છે!"
ત્રણેય જણા નક્કી કરે છે કે આ પ્લાનને અંજામ આપવા માટે પોલીસની ગુપ્ત ટીમ અને બહારના ભરોસાપાત્ર લોકોની મદદ લેવી અનિવાર્ય છે. તેઓ જતીનને હંમેશાં માટે તેના જ બિછાવેલા જાળમાં ફસાવવા માટેની આગામી રણનીતિની ચર્ચાઓ શરૂ કરી દે છે.
To be continue...
